დღეს, მზარდი ინფორმაციებისა და ტექნოლოგიების ეპოქაში, სადაც ყოველი კუთხე გადატვირთულია ხმაურითა და ქაოსით, ჩვენ შევქმენით პორტალი, რომელიც ადამიანებს დაეხმარება ჭეშმარიტ მე-სკენ მიმავალ გზაზე ბალანსის აღდგენაში. შამანი არ არის უბრალოდ ბრენდი, ის გახლავთ ფილოსოფია, გზა, ჯანსაღი ცხოვრების სტილი, თქვენი ბუნებრივი შინაგანი მკურნალი და ხმა...

თითოეულ ჩვენგანს აქვს შინაგანი ენერგიის უსაზღვრო მარაგი, რომლის კონცენტრირებით შეგვიძლია წარმოუდგენელი იდეების განხორციელება. მაგრამ, სამწუხაროდ, ჩვენ ხშირად ვკარგავთ ამ ძალას. ის ხელიდან გვისხლტება, აქა-იქ წვრილმანებზე გვეფანტება, რაც საბოლოო ჯამში არანაირ სარგებელს არ მოგვიტანს.

იმისათვის, რომ ცხოვრებისგან მეტი მივიღოთ, უნდა ვისწავლოთ ენერგიის შეგროვება და მიმართვა იქითკენ, სადაც მას ნამდვილად შეუძლია რაიმეს შეცვლა. ჩვენს ირგვლივ ვითარდება მოვლენები, რომლებიც მუდმივად ცდილობენ მიიქციონ ჩვენი ყურადღება, დაგვარწმუნონ ამ მოვლენების მნიშვნელობაში და გამოგვკეტონ დაბალვიბრაციულ ციკლში, რომელიც აბინძურებს გონებას და ქმნის «დოფამინის რყევებს» მაგრამ ასევე გვხვდება ღრმა, საკრალური მინიშნებები, რომლებსაც მივყავართ ტოტალურ გამოფხიზლებამდე სამყაროში, სადაც არის მხოლოდ თვითშემეცნებისა და პიროვნული ზრდის გზა.

იმისათვის, რომ გონებამ ცხადად დაინახოს თავისი გზა და ჭეშმარიტი ინდივიდუალური გამოვლინებები, პირველ რიგში მთავარია ჩავიხედოთ შინაგან სამყაროში. ამისათვის გონება უნდა იყოს ძალიან მშვიდი, მას უნდა შეეძლოს მოვლენებზე დაკვირვება და არა მათში მონაწილეობა, უნდა შეეძლოს მიზეზ-შედეგობრიობის დანახვა, საკუთარ მოქმედებებზე და მის გამომწვევ მიზეზებზე დაკვირვება.

გარესამყარო ხშირად გვაშორებს იმას, რაც ნამდვილად ფასეულია. ჩვენ განვიხილავთ ყველაფერს, რაც გვეჩვენება მნიშვნელოვანად – მოდა, კლიმატის ცვლილება, პოლიტიკა, ხელოვნური ინტელექტის საფრთხე... ინფორმაცია უწყვეტად მოედინება, მომავლის შესახებ შფოთვა კი გვიბიძგებს ამ ინფორმაციის შესწავლისაკენ. ჩვენ ვისმენთ ჭორებს სხვების შესახებ ან ვსწავლობთ და განვიხილავთ მოვლენებს, რომლებიც ჩვენგან შორს ხდება. ისმის კითხვ – რას გაძლევთ ეს პირადად თქვენ?

შეჩერდით და დაფიქრდით: ის, რაც ნამდვილად ღირებულია, ყოველთვის ახლოს არის – ეს არის ჩვენი გულწრფელი გრძნობები და სურვილები, რომელთა გაზიარებისაც ზოგჯერ გვეშინია, ამიტომ ხშირად ვახშობთ მათ გარე ხმაურით, რათა საკუთარ თავთან მარტო არ დავრჩეთ, ვიგონებთ პრობლემებს, რათა საკუთარ თავში არ დავუშვათ სიცარიელე... ღირებული გარდაქმნა კი სწორედ ამ სიცარიელის მიღებაში და სიცარიელიდან ახლის შექმნაშია.

სრული სიფხიზლისკენ და ყოველივეს გაცნობიერებისკენ მიმავალ გზაზე ხშირად ვაწყდებით სირთულეებს, რთულია გადაეწყო და ადაპტირდე პოზიტიურ ცვლილებებზეც კი. აზროვნებისა და ქცევის ძველ პატერნებს მტკიცედ აქვთ ფესვი გადგმული ჩვენში და ისწრაფვიან ჩვენს ცხოვრებაში დაბრუნებისკენ. ეს გზა მოითხოვს სიძლიერეს და თავდადებას, ამიტომაც ვეძახით ჩვენ მას – «მშვიდობისმოყვარული მეომრის გზას». ეს არის მეომარი, რომელიც «იბრძვის» სხვადასხვა «იარაღით», რათა გაერკვეს შინაგან სამყაროში და მიჰყვეს მის ჭეშმარიტ გზას. მაგრამ ეს ბრძოლა ხანგრძლივი არ არის, ძველის ადგილზე ახალი აღმოცენდება და დიდხანს დარჩება. ეს «ბრძოლა» რომ შევამსუბუქოთ, საჭიროა ემპირიული გამოცდილების გაზიარება და საერთოვიბრაციულ ბიოჰაკერთა კავშირის შექმნა. სხვების დახმარებით ხომ ჩვენ საკუთარ თავს ვეხმარებით, რადგან ამ სამყაროში მხოლოდ ჩვენ და ჩვენი ანარეკლი ვართ.